اسلام آباد ہائی کورٹ حکم دے پابند ہیسے ،کہیں جلوس، دھرنے یا ریلی دی اجازت نی ݙے سڳدے ،وفاقی وزیرداخلہ دی بیرسٹر گوہر نال ڳالھ مہاڑ

اسلام آباد۔23نومبر(اے پی پی) وفاقی وزیرداخلہ محسن نقوی آکھیے اساں اسلام آباد ہائی کورٹ دے حکم دے پابند ہیسے،کہیں جلوس، دھرنے یا ریلی دی اجازت نی ݙے سڳدے ۔وفاقی وزیرداخلہ اسلام آباد ہائی کورٹ دے حکم دی روشنی اچ پی ٹی آئی چیئرمین بیرسٹر گوہر نال رابطہ کیتے ، وفاقی وزیرداخلہ تے بیرسٹر گوہرموجودہ صورتحال تے تفصیلی ڳالھ مہاڑ کیتی ۔ وزارت داخلہ توں جاری تفصیل موجب وفاقی وزیرداخلہ بیرسٹر گوہر کوں اسلام آباد ہائی کورٹ دے آرڈر دے بعد دی صورتحال دا ݙسیندے ہوئیں آکھیے اساں اسلام آباد ہائی کورٹ دے حکم دے پابند ہیسے۔ کہیں جلوس، دھرنے یا ریلی دی اجازت نی ݙے سڳدے ، انھاں بیرسٹر گوہر کوں بیلاروس دے صدر دی قیادت اچ اعلی سطح دے 80 رکنی وفد دی 24 نومبرتوں 27 نومبر دی مصروفیات و تفصیلات دا وی ݙسائے ، انھاں آکھیے بیلاروس دا اعلی سطح وفد 24 نومبر کوں اسلام آباد پڄدا پئے جݙاں جو بیلاروس دے صدر 25 نومبر کوں پاکستان پڄسن۔ وفاقی وزیرداخلہ آکھیے بیلاروس دا وفد 27 نومبر تئیں اسلام آباد رہسی ۔ بیرسٹر گوہر وفاقی وزیرداخلہ نال ڳالھ کریندے آکھیے پارٹی مشاورت دے بعد تساکوں حتمی صلاح دا ݙسیساں۔

مضمون کا ماخذ : raspadinha caixa

متعلقہ مضامین