بینک ڈپازٹس بالکل محفوظ ہن، فی الوقت 94 فیصد ڈپازٹرز کوں 2016ء دے ڈپازٹ پروٹیکشن ایکٹ دے تحت پورا تحفظ اے،سٹیٹ بینک دی وضاحت

اسلام آباد۔5اکتوبر (اے پی پی) سٹیٹ بینک وضاحت کیتی جو بینک ڈپازٹس بالکل محفوظ ہن، فی الوقت 94 فیصد ڈپازٹرز کوں 2016ء دے ڈپازٹ پروٹیکشن ایکٹ دے تحت پورا تحفظ اے۔ سٹیٹ بینک دے ترجمان توں جاری بیان موجب ڈپٹی گورنر بینک دولت پاکستان ڈاکٹر عنایت حسین دے سینیٹ دی مجلس قائمہ برائے مالیات اتے محاصل دے اجلاس اچ ݙتے ڳئے بیان دی بنیاد تے میڈیا دے کجھ حصیاں اچ تاثر ݙتا ویندا پئے جو پاکستان دے بینکاری نظام اچ پنڄ لکھ روپے توں ودھ دے بینک ڈپازٹس غیر محفوظ ہن۔ ݙو ٹوک انداز اچ واضح کیتا ویندے جو سٹیٹ بینک دے مضبوط ضوابطی اتے نگرانی دے فریم ورک دے ماتحت پاکستان اچ مستحکم بینکاری نظام پاروں ڈپازٹس محفوظ ہن۔

مضمون کا ماخذ : گونزو کی تلاش

متعلقہ مضامین