افغانستان سره په پوله د څارنې غوره بندوبست كوو دغسې چې د لاس وهنې لړۍ بنده كړې شي۔ په خواجه اظهار الحسن بريد كوؤنكې ډله تر ډېره حده قابو موندلې شوې

کراچی12 ستمبر (اے پی پی) د كورنيو چارو وفاقي وزير احسن اقبال وئېلي دي چې سی پېک سره د سمندري تجارتي لارې اهميت سوا شوے دے ۔ بقراط او سقراط ته وئيل غواړم چې هغوي په بهرنيو اشارو اولس كښې د سي پېك په اړه مايوسۍ خپرول بنده كړي۔ افغانستان سره په پولې د څارنې غوره بندوبست كوو دغسې چې د لاس وهنې لړۍ بنده كړې شي۔ په خواجه اظهار الحسن بريد كوؤنكې ډله تر ډېره حده قبول قابو موندلې شوې۔ نړيوال عدالت كښې د كلبھوشن مقدمې په غوره ډول پېروي كوو٬د وزيراعظم بدلېدو سره به پالېسو كښې بدلون نه راځي٬ مونږ له په زيركتيا سره د قامي ګټې تحفظ كول وي۔چين پھ هر سخت وخت كښې زمونږ ملګرې پاتې شوې٬چين په داسې وخت كښې د 46 اربه ډالرو سرمايه كاري كړې كله چې كوم هېواد پاكستان كښې د لس ډالرو سرمايه كارۍ كولو ته هم تيار نه ؤ ۔د دې خيالاتو څرګندونه ده د نهې په ورځ د پاكستان كوسټ ګارډ هېډكوارټرز دورې نه وروستو خبريالانو سره په خبرو كښې وكړه۔په دې مهال ده د شهيدانو په يادګار د ګلونو څادر خپور كړو۔داخله وزير ووئيل د داخله وزارت تر سيوري لاندې 177 زره اهلكار كار كوي په كومو كښې چې پاكستان رينجرز٬اېف سي٬پاكستان كوسټ ګارډ او نور شامل دي۔ده ووئيل پاكستان كوسټ ګارډ د ساحل په غوره ډول څارنه كوي٬دا ساحل نزدې يو زر كلوميټره اوږد دے۔د سي پېك منصوبې څخه وروستو د ساحل او سمندري تجارتي لارې اهميت زيات شوې۔ ده ووئېل د سي پیك پروژې نه پس د پاكستان ساحل پولې او د سمندري تجارتي لار اهميت لا زيات شوې۔ده ووئيل قاچاقبر٬ترهه ګر او جرائم پېشه كسان كوم هم هېواد ته داخلېدو لپاره تل سمندري لارې كاروي۔دا د وخت مهم ضرورت دے چې سمندري لاره اوس نوره هم محفوظه كړې شي۔ ده ووئېل د پاکستان کوسټ ګارډ هېډ کوارټرز دورې مقصد د تيارۍ جاج اخستل او د دې مسئلې اورېدل وو دغسې چې حل له يې عملي ګامونه پورته كړې شي۔ده ووئيل ما پاكستان كوسټ ګارډ ته امر كړې چې هغه د سمندري لارې د قاچاق مخ نيوي له لا فعاله شي۔ ده ووئيل مونږ به د سول آرمز فورسز د لارې بارډر منېجمنټ سسټم لا ښه كوو۔ده ووئيل افغانستان سره د پولې څارنې غوره بندوبست كوو دغسې چې د لاس وهنې لړۍ بنده كړې شي۔ احسن اقبال ووئيل د اېم كيو اېم په لارښود په بريد كښې ككړه ډله تر ډېره حده قابو كړې شوې٬ځينې كسان تښتېدلې دي د كومو نيولو له چې هڅې كولې شي په دې اړه به ډېر زر خوشخبري واوروو۔ده ووئيل ما د وزارت منصب سنبهالولو څخه وروستو وئېلي وو چې چوهدري نثار علي خان كار كوم ځاې پرېښودې وو د هغه ځاې څخه به يې پېل كوم۔ده ووئيل د وزيراعظم بدلېدو سره په پالسېو كښې بدلون نه دې راغلې ۔د مسلم ليګ(ن)پالېسۍ به هغسې روانه وي۔وفاقې وزير ووئيل په لائن آف كنټرول د هند لخوا خلاف ورزۍ د غندنې وړ دي٬زموڼږ امنيتي ځواكونه د سم ځواب وركولو صلاحيت لري۔ده ووئيل دښمن غواړي چې مونږ د تضاداتو ښكار پاتې شوو او زمونږ پام سي پېك منصوبې څخه بل خوا وګرځي٬ده ووئيل زموڼږ ګاونډي هېواد د تخريب كارۍ د لارې هېواد كښې انشتار پیدا كول غواړي۔ده ووئيل زه دا ښكاره پېغام وركول غواړم چې د سي پیك منصوبه د پاكستان او چين د ځانګړی ملګرتيا ميوه ده او دا منصوبه به د لوے څښتن پھ حكم كاميابه وي او سازش كونكي به ناكامۍ سره مخ شي۔ ده ووئيل د كراچۍ امن لپاره وفاقي حكومت خپل كردار ترسره كوي او موڼږ به د سندھ حكومت سره په ګډه كار كوو۔ده ووئيل دا خبره د افسوس وړ ده چې د سندھ د آئي جي تعينات كېدو په اړه يو تنازع پیدا شوې بيا هم هيله لرم چې دا مسئله به ډېر زر حل شي

مضمون کا ماخذ : سانتا کی جنگلی سواری۔

متعلقہ مضامین