وفاقي گهرو وزير جو خيبر ضلعي ۾ دهشتگردن جو حملو ناڪام بڻائڻ تي ايف سي ۽ پوليس اهلڪارن کي خراج تحسين پيش

اسلام آباد -01 جولاءِ (اي پي پي) گهرو معاملن واري وفاقي وزير محسن نقوي ضلع خيبر جي پوليس چوڪي تخته بيگ تي دهشتگردن جو حملو ناڪام بنائڻ تي ايف سي ۽ پوليس اهلڪارن جي بهادري کي خراج تحسين پيش ڪيو آهي. گهرو معاملن واري وفاقي وزير چيو ته دهشتگردن جي فائرنگ سبب شهيد ايف سي اهلڪار شهزاد ۽ شهيد پوليس اهلڪار اعجاز جي عظيم قرباني کي خراج عقيدت پيش ڪيون ٿا، شهيد ايف سي اهلڪار شهزاد ۽ شهيد پوليس اهلڪار اعجاز جو جرئت سان دهشتگردن جي مڪروهه عزمن کي مٽي ۾ ملايو. هن چيو ته دهشتگردن خلاف بهادري سان وڙهندي شهادت ماڻيندڙ ٻنهي سپوتن کي قوم سلام پيش ڪري ٿي. شهيد ايف سي اهلڪار شهزاد ۽ شهيد پوليس اهلڪار اعجاز پنهنجي جان ڏئي دهشتگردن جو حملو ناڪام بڻايو. وفاقي وزير چيو ته شهيد ايف سي اهلڪار شهزاد ۽ شهيد پوليس اهلڪار اعجاز جي لازوال قرباني کي قوم هميشه ياد رکندي. شهيد ٿيل ٻنهي جوانن جي بهادري تي قوم کي ناز آهي. خيبر پختونخوا پوليس ۽ ايف سي جي لازوال قربانين کي خراج عقيدت پيش ڪندي وفاقي وزير چيو ته خيبر پختونخوا پوليس ۽ ايف سي جي بهادر جوانن ۽ آفيسرن دهشتگردي خلاف جنگ ۾ هر اول دستي جو ڪردار ادا ڪيو. خيبرپختونخوا پوليس ۽ ايف سي جي قربانين جو مثال تاريخ ۾ نٿو ملي. هن چيو ته اتحاد ۽ اتفاق سان دهشتگردي جي ناسور جو مڪمل خاتمو ڪرڻ لاءِ پرعزم آهيون.

مضمون کا ماخذ : quina acumulada

متعلقہ مضامین