تر آخري ساه او ګولۍ به د هېواد ساتنه كوو٬د جنګ خوښي نه لرو خو كوم جارحيت به حېرانتيا اونه ګڼو٬بلكې سرپرائز به وركړو٬هند عمر له د پاكستان په ضد سازشونه او ترهه ګري كړې٬هيله لرو چې د پاكستان د اړخه به تاسو ته پېغام درسېدلې وي

اسلام آباد 22 فروری (اے پی پی)د پاك پوځ وياند ميجر جنرال آصف غفور وئېلي دي تر آخري ساه او ګولۍ به د هېواد ساتنه كوو٬د جنګ خوښي نه لرو خو كوم جارحيت به سرپرائز اونه ګڼو٬بلكې سرپرائز به وركړو٬هند عمر له د پاكستان په ضد سازشونه او ترهه ګري كړې٬هيله لرو چې د پاكستان د اړخه به تاسو ته پېغام درسېدلې وي٬ 70 كاله مو تاسو ته كتلې او ستاسو لپاره مو صلاحيتونه ترلاسه كړي ٬هند جنګ له چمتو والې نيسي٬د دفاع حق لرو٬د هند به په زړه پورې ځواب وركوو٬چې كله هم په پاكستان كښې كوم مهم ايونټ پیل كېږي٬نو په هند يا شخړيز كشمير كښې دغسې”سټېج ايكشن”رامخې ته كېږي٬پخواني جنرال اسد دراني د عسكري قوانين خلاف ورزي كړې٬د اسد دراني پنشن ايسار كړی شوې او نورې آسانۍ هم ختمې كړې شوي٬د پاك پوځ دوه سينئر افپسران پپه حراست كښې دي او د دوه نورو سينئر افسرانو په ضد كاروائۍ روانې دي٬د كورټ مارشل په بشپړېدو به خبر كړې شئ٬ايران زمونږ ورور اسلامي هېواد دے٬ د هغوي سره به په ګډه د پولې صورتحال ښه كړو۔د كشمير مسئله د منطقې امن لپاره لويې خطر دے ٬ راځۍ چې دا په ګډه هواره كړو٬زمونږ وزيراعظم هند له هغه وړاندېز وركړې كوم چې پخوا نه دې وركړې شوې٬٬پوځ او اولس د وينې د سمندر نه په تېرېدو هېواد ته رڼا بخښلې۔ده د جمعې په ورځ آئي اېس پي آر كښې قامي او نړيوالې مېډيا ته د پلوامه بريد نه وروستو د هندي تورونو او نورو اړخونو په حقله بريفنګ وركولو۔ده ووئيل كشميري ځوان هندي ځواكونه په نښه كړي٬پاكستان دا ځل ځواب وركولو له لږ وخت اخستې٬پاكستان په خپله توګه د پېښې پلټنې كړي او د پلټنو نه وروستو وزيراعظم د پلوامه په پیښه ځواب وركړې۔ده ووئيل هند د پاكستان خپلواكي تر ننه تسليم نه كړه٬اصل ترهه ګري هند كړې چې كله يې د مكتي باهني د لارې حالات خراب كړي او دغه كردار هندي وزيراعظم پخپله تسليم كړې دے ۔ده ووئيل هند عمر له د پاكستان په ضد سازشونه او ترهه ګري كړې٬د 65 جنګ زمونږ په هېواد اثرات مرتب شوي۔ده ووئيل پاكستان كښې چې كله هم يو ايونټ كېدونكې وي نو په هند كښې داسې پېښه كېږي٬هند د خپلو ناكامو نه پس پاكستان كښې ترهه ګري زياته كړې۔په هېواد كښې اته مهم ايونټس كېدونكې وو۔ده ووئيل سعودي شهزاده پاكستان ته راغلې ؤ ٬كنفرنس كېدو٬په پاكستان كښې د پي سي اېل ميچونه كېږي٬كرتارپور راهداري په پرمختګ يو ميټنګ كېدو۔ده ووئيل د كلبهوشن په صورت د هندۍ ترهه ګرۍ ثبوت موجود دے ٬د كلبهوشن كيس اورېدنې پھ وخت داسې پېښه وشوه او د ځايې ګاډي د لارې پلوامه كښې بريد وشو۔د پلوامه بريد كونكې هم د هغه ځاې مقامي كشميرے دے۔ده ووئيل په 14مه فرورۍ په پلوامه كښې كشميري ځوان قابض ځواكونه په نښه كړي او د دغې نه وروستو هند بيا په پاكستان تورونه لګول پیل كړل٬بې له څه سوچ او د تحقيق نه تورونه ولګولې شول۔جنرال آصف غفور ووئيل فرورۍ او مارچ كښې پاكستان كښې اته مهم ايونټس راروان وو۔د سعودي ولي عهد دوره ٬ ملګرو ملتونو كښې په ټېررلسټ خبرې ٬ امن عمل٬شخړيز كشمير كښې په بشري حقونو خبرې٬په نړيوال عدالت كښې د كلبهوشن كيس٬د اېف اے پي اېف سيټنګ٬كرتارپور بارډر باندې د دواړو هېوادونو خبرې او د پاكستان سپر ليګ ميچونه كيدل وو۔ده ووئيل د پلوامه بريد پاكستان ته زيان رسېدلې٬په هند كښې ګڼو كسانو د دغې بريد پشنګوئۍ كولې او دا هم مه هېروۍ چې په پاكستان كښې د دې 8 ايوڼټس نه علاوه په هند كښې ټول ټاكنې هم كېدونكې دي او په كشمير كښې دا وخت هلې ځلې تندې دي كومې چې د هند د قابو نه دي۔ده ووئيل په هندي ځواكونو چې كوم كشميري بريد كړې هغه د شخړيز كشمير مقامي ځوان دے او دا پېښه د اېل او سي نه څو ميله لرې رامخې هت شوې٬چاودېدونكي توكي د پاكستان نه نه دي تللې او ګاډې هم د پاكستان نه ؤ ٬هند چې كومه وېډيو رېليز كړې د هغې تجزيه هم ډېرې اشارې وركوي۔ده ووئيل په لائن آف كټرول هندي ځواكونه خپل ډيفنس لري٬داسې څنګه كېدې شي چې د پاكستان د اړخه څوك اېل او سي كراس كړي

مضمون کا ماخذ : پاور بال کے نتائج

متعلقہ مضامین